Situata e krijuar brenda partisë Demokratike është tepër e tensionuar dhe deputeti Flamur Hoxha shprehu mbrëmjen e djeshme indinjimin e tij për zhvillimet më të fundit.
Hoxha deklaroi keqardhjen për situatën e krijuar në partinë më të madhe opozitare dhe u shpreh se është gati të sakrifikojë dhe mandatin e deputetit.
Deklarata e Hoxhës:
“Sot mbas 30 vitesh nuk ndihem mirë të ndodhesha në një situatë të tillë, ku, nuk e kisha menduar kurrë sinqerisht. Sakrifica ime mund të jetë edhe më shumë se kaq dhe lënien e mandatit nëse është e nevojshme për një kauzë kaq madhore. Por e shoh që sot po shohim që janë pozicionuar egër në llogore. Nuk është komode për një demokrat një situatë e tillë. Është një paradoks. Kur shoh politikanë me 5-6 mandate dhe absolutisht qëndrojnë fort në një krah duke mos qenë përbashkues dhe kjo është ajo dilema se çfarë do të mësojmë ne nga politika e së shkuarës. Dhe unë mos mendoni se e kam pasur të lehtë një vendim. Në politikë duhet të kesh një shtyllë kurrizore, nuk mund të jesh gjithnjë butak”, tha Hoxha.
Diskutime rreth kësaj post