“Popullsia e Shqipërisë pakësohet për shkak të qeverisjes së keqe, në shifra katastrofike. Një e dhënë katastrofike është vdekshmëria foshnjore që është rritur me 26%. Nën qeverisjen e çmendur të korruptuar deri në palcë të Rilindjes, shifra është katastrofike”.
Kështu ka deklaruar nënkryetari i LSI-së, Petrit Vasili, duke iu referuar shifrave të INSTAT. Sipas tij, kjo është për shkak se qeveria ka skenarin e shpopullimit të vendit.
“Ka vetëm një skenar, këtu duhet të jeni më të vëmendshëm, shpopullimin e këtij vendi.
Shqiptarët kanë të drejtën e zotit dhe të ligjit të kërkojnë të drejtën të protestojnë e reagojnë, ndaj këta shqiptarë nuk i duhen Ramës e Rilindjes, i duhen skllevër që oligarkët e qeveria të mbushin xhepat plot packa se shkretohet Shqipëria nga shqiptarët.
Shpopullimi është projekti më i zi që Rama ka në shërbim, duke u vënë në pjatë të argjendtë kokën e shqiptarëve më të zinjve.
Shifrat e këtij shpopullimi janë që në momentet kur shqiptarët lindin.
Ka vetëm një ditë, qëndresë, duhet të largohen këta armiq, maskarenj antikombëtar që duan vetëm shpupullimin, të dhënat janë tronditëse, janë fakt, asnjë qytetar s’mund të pretendojë që nuk i njeh këto të vërteta. 25 prilli është mbrojtje e Shqipërisë dhe ndëshkimi pa hezitim i zaptuesve më të këqinj të vendit”, – tha Vasili.
Diskutime rreth kësaj post