Saranda vijon të mbetet jashtë hartës së territoreve të infektuara nga koronavirusi. Deri tani nga Saranda janë marrë tamponë për 56 raste dhe të gjithë kanë rezultuar negativë.
Qytetarët vazhdojnë të respektojnë masat e distancimit social.
Ky është tregu ushqimor në qytet ku prej më tepër se një jave është duke funksionuar kjo kabinë dizinfektimi.
Në tregun e Sarandës operojnë për momentin jo më shumë se 30 tregtarë që janë gati gjysma e atyre që shisnin këtu para pandemisë. Tregtarët na thonë se një pjesë e atyre që shisnin janë të moshuar dhe në pension dhe e kanë zgjedhur si masë mbrojtëse qëndrimin në shtëpi.
Një tjetër kategori tregtarësh vinin nga zonat përreth dhe janë shitës nga fermat e vogla që rrethojnë Sarandën të cilët e kanë të pamundur për shkak të izolimit të qarkullimit ardhjen në treg.
Saranda ende nuk ka asnjë person të infektuar me Covid 19 megjithatë frikën qytetarët e Sarandës e shohin të lidhur me tregtarët që furnizojnë qytetin por edhe me qarkullimin me qarqet e tjera të vendit.
Diskutime rreth kësaj post