“Italianët janë shqiptarë të veshur me ‘Versace’”, batuta e kryeministrit Rama me komisionerin e BE që i shkriu të gjithë së qeshuri në Durrës

Kryeministri Edi Rama bashkë me Komisionerin Europian, Janez Lenarčič kanë shkuar të shohin nga afër punimet shkollën ‘Neim Babameto’ të Durrrësit që është dëmtuar nga tërmeti.

Ata kanë takuar edhe ekipet e huaja të ekspertëve që ndihmojnë në rindërtimin e dëmeve, ku nuk kanë munguar as batutat.

Në një moment komisioneri ka takuar dy ekspertë sllovenë dhe është ndjerë i lumtur.

‘Jam shumë i kënaqur që shoh dy anëtarë nga vendi i origjinës Sllovenia këtu’, tha Janez Lenarčič.

Ndërkohë mes të qeshurave, Rama ka shtuar se ‘Slovenia është i vetmi vend që e ka fjalën ‘love’ brenda saj’.

Më tej ata kanë biseduar edhe me dy italianë, të cilët kryeministri i ka quajtur si shqiptarë:

“Unë e them gjithmonë që italianët janë shqiptarë të veshur me Versace”, shtoi Rama.