Ish-misi i bashkohet Bashës, Floriana Garo merr postin e rëndësishëm

Ish-missi Floriana Garo i është bashkuar Partisë Demokrate. Mësohet se Garo do të marrë postin e zëdhënëses së Fushatës së Partisë Demokratike.

Ndërkohë mësohet se Ina Zhupa do të kandidojë në Vlorë, analisti Agron Gjekmarkaj do të kandidojë në Lezhë, ndërsa surprizë është emri i shkrimtares së famshme, Flutura Açkaj, e cila do të jetë pjesë e listës së PD-së në Elbasan.

Ndër propozimet që pritet të miratohen sot në mbledhjen e kryesisë janë dhe emrat e Flamur Hoxhës dhe Isuf Celës në qarkun e Kukësit.

Kujtojmë se sot është dhe dita e fundit për dorëzimin e listave të kandidatëve për zgjedhjet e 25 prillit në KQZ, ku deri më tani janë paraqitur listat e Monika Kryemadhit, Jozefina Topallit, Myslim Murrizit dhe Edmond Stojkut.