Ish-deputetja e Lëvizjes Socialiste për Integrim, një prej drejtuesve të kësaj force politike, ka folur sot për marrëdhënien e LSI me Presidentin e Republikës Meta.
E pyetur mbi mënyrën se si Meta po e drejton Presidencën dhe qëndrimet e tij politike, Gjosha shprehet se në një vend si Shqipëria që sipas saj ndodhet në situatë kaotike nuk mund ta mendonim një President që sillet si në vende normale.
“Ne nuk mund të kishim një President me sjellje ndryshe në këto momente kur vendi është drejt kolapsit. Drejt kolapsit ekonomik, drejt pushteteve që kanë shkuar në një dorë, drejt zgjedhjeve monopartiake apo dhe shumë shkelje të tjera që nuk ndodhin në vende demokratike. Nuk mund të pretendojmë një President që sillet si ai i Francës apo ndonjë vendi tjetër normal. Shqipëria nuk është më vend normal”, tha ish-deputetja e LSI-së.
Perceptimet në publik për një lidhje të mundshme organike mes LSI-së dhe Presidencës, Gosha i mohon totalisht.
“Z. Ilir Meta, që prej momentit të zgjedhjes si President, i ka shkëputur të gjithë marrëdhëniet me anëtarët e LSI dhe drejtuesit saj. Presidenti i Republikës është i vetmi institucion i pavarur sot. Z. Meta është aty për të ruajtur rolin thelbësor sot për të mbrojtur Kushtetutën si libri themelor dhe falë të cilit kemi të gjitha të drejtat sot. LSI nuk kas asnjë lloj mbrojtje nga z. Meta president. Ai është aty për të mbrojtur të gjithë qytetarët pavarësisht forcën politike që votojnë”, tha ajo në Report TV.
Diskutime rreth kësaj post