Ish-ministri ngre alarmin: Ja çfarë po ndodh në bashkitë më të mëdha të vendit

Ish-ministri i Bujqësisë, Edmond Panariti ka cituar një raport, sipas të cilit buxheti i pushtetit lokal financohet nga para të “zeza”.

Lidhur me këtë Panariti shkruan: “Për tre vite, sipas këtij raporti janë pastruar 1,6 miliard euro në sektorin e ndërtimit.Kush i jep lejet e ndërtimit dhe kush i vjel taksat e majme prej tyre shtrohet pyetja? Përgjigja ështe :KKT dhe Bashkitë! Sa financohet buxheti i Bashkisë së Tiranës nga këto para, të cilat në 60% të tyre sipas raportit janë para “të zeza”?” – ka shkruar mes tjerash ai.

Postimi i Panaritit:

“Buxheti i pushtetit lokal financohet nga para të “zeza”, sipas raportit.

Ky është përfundimi logjik i dokumentit të sapo botuar të nismës globale për lëvizjen e parave të paligjshme në Ballkanin Perëndimor.

Për tre vite, sipas këtij raporti janë pastruar 1,6 miliard euro në sektorin e ndërtimit.

Kush i jep lejet e ndërtimit dhe kush i vjel taksat e majme prej tyre shtrohet pyetja?

Përgjigja ështe:

KKT dhe Bashkitë!

Sa financohet buxheti i Bashkisë së Tiranës nga këto para, të cilat në 60% të tyre sipas raportit janë para “të zeza”?

Plot 77% të të ardhurave të kësaj Bashkie kanë këtë burim!

Kjo shpjegon edhe masakrën urbane të pashoqe të Tiranës, Durrësit dhe kompani.

Betonizimin e pamëshirshëm pa kriter dhe karar të hapësirave publike.

Kusuret si gjithnjë i paguajnë qytetarët dhe cilësia e jetës në qytete.” – ka shkruar Panariti.