Ilir Meta në panik nga drejtësia e re, sulmon reformën dhe ndërkombëtarët, qytetarët i plasin skandalet dhe e nxjerrin “zbuluar”

Presidenti Ilir Meta ka treguar hapur se është në panik nga reforma në drejtësi dhe marrja e saj në dorë nga amerikanët.

Në ndryshim nga ndërkombëtarët, të cilët e kanë vlerësuar maksimalisht sipas së cilëve po jep frytet e saj, për kreun e shtetit kjo Reformë nuk ka qenë aspak e suksesshme. Ai ndalet në ligjin që zgjat afatin e koncesionit të aeroportit ‘Nënë Tereza’ me 13 vjet, të cilin e cilëson si një aferë e pastër korruptive, e që sipas tij, kjo nuk do të ndodhte nëse kjo Reformë do të funksiononte vërtetë.

Por çfarë ka ndodhur me presidentin pas këtyre sulmeve ndaj sistemit të drejtësisë?Kjo deklaratë është pasuar nga reagime të ashpra të qytetarëve, të cilët nuk e kanë kursyer Ilir Metën edhe pse në faqen e tij të rrjetit social. Ata i kujtojnë vjedhjen e floririt, dhe shkruajnë se presidenti me gjithë këto skandale duhet të ishte pas hekurave shumë kohë më parë.