Ilir Demaliaj paralajmëron lëvizje të bujshme brenda PD-së: Basha nuk e mund dot PS-në, ja çfarë duhet për të rrëzuar Ramën

Analisti Ilir Demaliaj deklaroi se kryedemokrati Lulzim Basha nuk e mund dot në zgjedhje kryeministrin Edi Rama. Sipas tij, një person i katapultuar si Basha në krye të PD-së nuk mund ta realizojë një gjë të tillë.

“PD vuan nga mungesa e garës brenda saj. Një njeri që vjen pa gara, i katapultuar si ai kurrë nuk mund të ketë konsensus. Po ju garantoj unë që Basha do ta çojë këtë parti si LDK e Kosovës, e ky do të jetë si Avdullah, Avullah Mustafa”, – tha Demaliaj.

Për të mundur një PS-në, ai theksoi se duhet një antipod i Ramës dhe se personat aktual në PD nuk e realizojnë dot atë dhe duhen njerëz të rinj.

“Kam qenë kritik ndaj Berishës që në 96, në flasim për masakrën në zgjedhjet dhe fillon në maj të 1996. Ajo që po vuan PD sot, është ajo që PD-ja nuk ka lejuar demokraci e kjo është kultura e Berishës, e po ta shohësh autoritarizmi i tij është sot edhe jashtë partisë, emra si Ben Imani, Nishani e Kadilli, Topalli kurrë nuk thonë një fjalë kundër Berishës”, – tha Demaliaj për Top Talk.