Analisti Ilir Demalia tha se kryedemokrati Lulzim Basha duhet të mbajë përgjegjësi lidhur me largimin e ‘xhaketave të vjetra’ të PD-së në 2017. Ai tha se gjendja është e rëndë pasi “ti po më sjell këto që i hoqe”.
“Gjendja është tepër e rëndë. Këta janë futur në një rreth vicioz që nuk e di si do dalin. Fakti që sot ka shkuar sërish në pikën zero reforma zgjedhore, kaq muaj që sillen dhe bëjnë. Të gjitha këto forca politike kanë një synim, të marrin kalin e pushtetit dhe për ta përdorur. Nuk kanë as vullnet për të bërë demokraci. Këto nuk e kanë bërë brenda partive të tyre në radhë të parë. Meqë vijmë prapë tek rikthimi i xhaketave të vjetra të PD-së, më kujton vitet 90′ kur komunistët hoqën xhaketat dhe u kthyen demokratë. Ose hoqën xhaketat e sigurimit e u kthyen në spiunë të ShIK-ut.
Edhe këta sot. Ti po më sjell këto që i hoqe. Nëse ti i ke hequr këto me të padrejtë atëherë këtu duhet vënë përpara përgjegjësisë Lulzim Basha. Pse i largove këto deputetë kur ne kishim mundësi më të mira për të bërë një opozitë që të bindnim njerëzit. Atëherë të largohet Basha se dikush duhet të marrë faj. Këto i bëjnë të gjitha e thonë jemi prapë mirë bashkë. Këto bëhen mirë me njëri-tjetrin dhe e gjitha bie në kurriz të njerëzve.
Dega e PD-së në Shkodër ka përzgjedhur 100 emra të kandidatëve të mundshëm për deputetë ku ndër to ishte dhe emri i Jozefina Topallit, ish numrit dy të kësaj partie”, – tha Demalia për Ora News.
Diskutime rreth kësaj post