Ish-ministri i Brendshëm Saimir Tahiri para pak ditësh hoqi dorë nga mandati i deputetit, duke bërë që Kuvendi i Shqipërisë të nisë procedurat për zëvendësimin e tij.
Pas kërkesës zyrtare që Tahiri dorëzoi në Kuvend, ditën e sotme mësohet e ky institucion do t’i drejtohet me anë të një shkrese Komisionit Qendror të Zgjedhjeve për ta vënë në dijeni për vakancën e krijuar nga largimi nga Parlamenti i ish-ministrit të Brendshëm.
“Në rastin se deputeti deklaron në mënyrë publike përpara komisionit përkatës të Kuvendit refuzimin, për të bërë betimin ose heqjen dorë nga mandati. Në këtë rast, Kuvendi, jo më vonë se 30 ditë, njofton KQZ-në për krijimin e vakancës”, thekson Kodi Zgjedhor.
Sipas Kodit Zgjedhor, në rast se deputet lë mandatit, atëherë në Parlamenti e zëvendëson atë me emrin pasues nga po ajo parti, në rastin konkret nga PS.
Dhe në bazë të listës për zgjedhjet e 2017, mandatin e deputetit të Tahirit, pritet që ta marrë Spartak Brahon, i cili aktualisht është këshilltari i Kryeministrit për marrëdhëniet me Parlamentin.
“Mandati i ndërprerë i deputetit ose i anëtarit të Këshillit të Bashkisë i kalon kandidatit vijues të listës së të njëjtës parti politike, në zonën zgjedhore përkatëse”, thekson Kodi.
Diskutime rreth kësaj post