Avokat Idajet Beqiri ka folur pasojat që kanë shtetasit e shpallur non grata nga SHBA. Duke pasur në fokus rastin e fundit ku ish-kryeministri Sali Berisha u fut në listën e zezë të SHBA, Beqiri tha se çështja nuk ka të bëjë vetëm me ndalimin e hyrjes në Amerikë, por deri në sekuestrimin e pasurive.
Deklarata e Beqirit:
“Vendimi për ta shpallur non grata nuk ka të bëjë vetëm me çështjen e kufijve. Problemi nuk është vetëm hyrja në SHBA. Lista e zezë mund të miratohet edhe nga BE, dhe një person i shpallur non grata nga SHBA, mund të izolohet totalisht. Përpos kalimit në kufi, një person i padëshiruar nga Amerika, nuk mund të marrë asnjë letër, asnjë porosi nga jashtë sepse çdo gjë bllokohet. Posta për ta është e ndaluar. Është e tmerrshme në çdo lloj aspekti. Por mbi të gjitha mund t’i sekuestrohen pasuritë, kjo e ka bërë Berishën e Metën të dalin nga shinat. Por ky do të jetë fati i tyre i zi, pasuritë do të sekuestrohen dhe do t’i shtohen buxhetit të shtetit. Sepse pandëshkueshmërisë në vend, i ka ardhur fundi”, u shpreh avokat Beqiri.
Diskutime rreth kësaj post