I nxehti po e vret koronavirusin, kurba po ulet ndjeshëm

Shkencëtarët vazhdojnë të jenë në dyshim nëse i nxehti e vret apo jo koronavirusin e ri. Një studim i fundit nga Universiteti i Torontos thotë se moti i ngrohtë mund të mos ketë ndikim.

Por gazeta Daily Mail shkruan se në Britaninë e Madhe, kurba e koronavirusit nisi të ndryshonte në mënyrë dramatike kur vendi u përfshi nga një valë e nxehtë me temperatura rekord.

Dihet që virusi përhapet nga stërklat e pështymës kur kollitemi, teshtijmë apo flasim pranë një personi tjetër. Por profesor Keith Neal nga Universiteti i Notingham tha se i nxehti i than stërklat dhe rrezet ultravjollcë e vrasin virusin.

Ai shton se i nxehti bën që njerëzit të mos grumbullohen shumë në ambiente të mbyllura, ku rreziku i përhapjes së virusit është më i madh.

‘Jashtë është më e sigurt se brenda,’ tha ai.

Profesori rekomandon edhe marrjen e vitaminës D, pasi na mbron nga virusi. Kjo vitaminë njihet edhe si vitamina e diellit. Ajo forcon sistemin imunitar.