I nxehti afrikan pushton vendin, mësoni sa gradë pritet të shkojnë temperaturat mesditën e sotme

Bëhuni gati për temperatura të larta ditën e sotme. Të ndikuar nga kushte të qëndrueshme atmosferike moti do të jetë i kthjellët në të gjithë territorin dhe ideal për ata të cilat kanë planifikuar pushime, bën të ditur Shërbimi Meteorologjik Ushtarak.

Temperaturat për shkak të masave ajrore me origjinë nga Afrika e Veriut pritet të jenë të larta deri në 38-39°C kryesisht mesdita e ditës së sotme.

Era do të fryjë me drejtim kryesor nga kuadrati i veriut dhe shpejtësi 1-10m/s më tepër e ndjeshme nga orët e mesditës deri ato të pasdites përgjatë vijës bregdetare.