Robert Ndrenika është një nga aktorët ikonë të kinematografisë shqiptare.
Paçka vitet kanë kaluar dhe në kinemanë shqiptare kanë shkelur me dhjetra aktorë të rinj, askush deri më sot nuk mund t’ia zërë vendin Ndrenikës.
Ndërkohë aktori edhe pse në moshë të thyer është një përdorues i rrjeteve sociale, ku herë pas here publikon. Së fundmi i madhi Ndrenika është bërë nostalgjik për kinemanë e dikurshme.
Në faqen e tij në Instagram ai ka publikuar pjesë nga filmi “Përrallë nga e kaluara”. Si dhe disa momente të ndara më aktorët Mariana Kondi dhe Arben Derhemi.
Fansat shprehen se Ndrenika është gjigand i kinemasë shqiptare dhe rolet e tij janë të papërsëritshme.
Robert Ndrenika ka lindur më 10 janar të vitit 1942. Ai është cilësuar edhe si më i madh se Robert De Niro, nëse fati do ta kishte lindur në SHBA.
Diskutime rreth kësaj post