Tashmë janë bërë 5 ditë që nga helmimi i 900 banorëve të Daçanit në Kosovë dhe ekspertët janë ende në kërkim të shkakut. Infeksionisti Ilir Tolaj ka dhënë një intervistë mediatike ku ka treguar se ky rast sipas tij ka ardhur për shkak të një shpërthimi epidemik.
Helmimi, shtoi ai ka ardhur nga pasoja kimike që ndoshta mund të ketë patur një lidhje me ujin aty rrotull por ama këto mbeten aludime pas ende nuk ka asgjë zyrtare.
Deklarata e Tolaj:
“Është shpërthim epidemik, i një gjendje të provokuar nga një agjent i jashtëm, me gjasë edhe në bazë të simptomatologjisë edhe në bazë të të dhënave epidemike prezente dhe që janë në dispozicion ky agjent gjasat janë më të mëdha që të jetë infeksion,
Përhapja e këtyre infeksioneve në një regjion të caktuar, në fakt shumica apo pjesa më e madhe të këtyre të sëmurëve janë nga regjioni që furnizohen nja një vijë e ujit dhe ata që kanë marrë pjesë praktikisht ose që rastësisht kanë ndodhë që janë të fshatrave tjera por që ka ndodhë në periudha të caktuara të kohës në atë regjion. Prandaj, kjo e bënë jashtëzakonisht të besueshme që uji mund të jetë një prej burimeve të infeksionit. Shkaktarët edhe ata të cilët mund të përhapen me ujë janë të shumtë dhe mund të jenë edhe baktere edhe parazit, por nuk e mendoj që është kimik”, shtoi tutje Tolaj.
Diskutime rreth kësaj post