Presidenti Ilir Meta nën frikën e shkrirjes së partisë së tij, LSI-së dhe teksa është përfshirë tërësisht në fushatë elektorale duke braktisur kështu edhe postin e rëndësishëm që mban, nuk i ndal mesazhet kërcënuese.
Meta paralajmëron se zgjedhjet e 25 prillit do të jenë referendum popullor kundër “mafies së inceneratorëve e plehrave dhe kandidatëve të saj”.
Duke iu referuar një shkrimi të Monitor.al me titull “mbetjet urbane, projektet ku u shpenzua më shumë në 2020 ishin inceneratorët”, Presidenti thotë se këto “gropa të zeza” kanë thithur 100% të parave të shqiptarëve.
“Gropat e zeza të inceneratorëve të mafies, i thithën 100 përqind paratë e planifikuara për financim nga taksapaguesit në 2020, ndërkohë që pjesa tjetër e projekteve të menaxhimit të mbetjeve shfaqin realizim të dobët, që shkon deri në 9%.
Prandaj 25 Prilli është referendum popullor kundër mafies së inceneratorëve e plehrave dhe kandidatëve të saj”, – shkruan Presidenti Meta.
Diskutime rreth kësaj post