Gola, spektakël e karton të kuq në “El Clasico”

“El Clasico” dhuron gjithçka pavarësisht pozitave në të cilat ndodhet Barcelona e Reali i Madridit.

Emocione, spektakël, tension, gola e karton të kuq. Ndeshja është e mbërthyer në barazim 2-2, edhe pse që prej fundit të pjesës së parë Barcelona është duke luajtur me një lojtar më pak.

Barcelona që kaloi në avantazh me golin e shënuar nga Suarez, por gëzimi i vendasve nuk zgjati shumë. Ishte pikërisht portugezi Ronaldo, ai i cili arriti të shënojë golin e barazimin në këtë pjesën e të parë për Realin. Ishte një aksion mjaft i bukur i Realit, me Kros që kroson për Benzema dhe francezi ul topin për Ronaldon, që e shtyn në rrjetën e Ter Stegen.

Ndërkohë në fundin e pjesës së parë nuk munguan dhe tensionet. Suarez dhe Sergio Ramos u konfrontuan në fushë dhe gjyqtari i ndëshkoi me karton të verdhë. Vetëm 2 minuta më pas, Sergio Roberto u ndëshkua me kartonin e kuq për goditje ndaj Marcelos.

Me të filluar pjesa e dytë, ai që kishte munguar deri në ato momente, Lionel Messi del në skenë dhe realizon golin e avantazhit për Barcelonën.

Goli i barazimit për Realin u shënua nga uellsiani Bale pasi asistit të Asensio në minutën e 72.