Agron Gjekmarkaj është shprehu se Lulzim Basha duhet të kishte krijuar një ekip më bindës në listën e Tiranës, pasi sipas tij u tregua shumë “zemërgjerë” me aleatët.
“Zoti Basha ka bërë një fushatë spektakolare, me një program ndër më të mirët e këtyre 30 viteve. Korrekt, i konsultuar me ndërkombëtarët. Pati një diskurs etik dhe bindës me qytetarët. Mbase duhet të kishte një ekip më bindës, në Tiranë… Me aleatët duhet të kishte një formulë tjetër. U tregua zemërgjerë me aleatët, se Tirana është më ndryshe”, – tha ai në News 24.
Sipas tij, në këto zgjedhje “Problemi ishte te mënyra sesi u soll shteti”, ndërsa theksoi se PD do të publikojë së shpejti një “dosje shokuese” për trukimin e votave.
“PD krijoi një strukturë simbolike. Ajo e ka bërë punën e saj. (i referohet strukturës së votës së PD). Nese ka sadopak drejtësi, nëse funksionon SPAK, një ditë do të dalin dhe do shikoni çfarë ka ndodhur. Nëse nuk e bëjnë institucionet e drejtësisë, PD do të bindë opionin ndërkombëtar që këto zgjedhje ishin të trukuara. PD shumë shpejt do të dalë me një dosje shokuese për trukimin e votave”, – u shpreh Agron Gjekmarkaj.
Diskutime rreth kësaj post