Genc Pollo tregon se çfarë pritet të ndodhë pas 25 prillit në Shiqipëri

Ish-deputeti i Partisë Demokratike, Genc Pollo, ka reaguar mbi rezolutën e miratuar nga Komisioni i Jashtëm i Parlamentit Evropian.

Ai thekson se Raporti e rikonfirmon se Qeveria Rama ende nuk i ka përmbushur kushtet për çeljen e negociatave.

Deklarata e Pollos:

“Sot Komisioni i Jashtëm i Parlamentit Europian miratoi njëzëri raportin për Shqipërinë. Raporti e rikonfirmon se Qeveria Rama ende nuk i ka përmbushur kushtet për çeljen e negociatave si p.sh dënimin e votëblerësve, (dosja 339 e 184), denimin e zyrtarëve të lartë për korrupsion, korrigjimin e ligjit anti-fjalë etj.

Falenderime të përzemërta për raporterët Santos ( Social Demokrat) e Lega ( Popullor ) për punën e tyre dhe për thenien e të vërtetave açik. Po ashtu edhe për eurodeputetë të tjerë kontribues e për grupet e tyre. Kështu ndihmohet realisht Shqipëria europiane.

Para tre ditësh në Bruksel po të njëjtën të vërtetë e deklaroi hapur edhe zoti Borrel, Përfaqësuesi i Lartë i BE; në prani të Edi Ramës ! Ky i fundit është i vetmi shqiptar që nuk ja dëgjon veshi këto fjalë.

Në fakt më shumë se atij i adresohen publikut shqiptar.

Mbas 25 prillit me ndryshimin e pritshëm do të fillojnë të hiqen me shpejtësi pengesat artificiale të kësaj qeverie në mënyrë që Konferenca Ndërqeveritare me BE të mbahet në vjeshtë.”– shprehet Pollo.