Sekretari i Përgjithshëm në PD, Gazmend Bardhi ka zbuluar se kryedemokrati Lulzim Basha do të kandidojë në qarkun e Tiranës. Numri dy i PD, komentoi edhe kandidatët apo drejtuesit e qarqeve që Lulzim Basha ka caktuar.
Bardhi tha se në listat është normale që të ketë emra me eksperienca brenda PD, apo të cilësuar si ‘të konsumuar’.
Komenti i Bardhit:
“Drejtimin politik nuk mund t’ua besojmë emrave që vijnë nga shoqëria civile. Sigurisht që do të ketë emra politikë. Zoti Berisha do të kandidojë ku të dojë vetë. Ndërsa zoti Basha me shumë gjasa do të drejtojë listën e Qarkut të Tiranës“, tha Bardhi në një emision në RTSH.
Diskutime rreth kësaj post