Kryeministri, Edi Rama, gjatë një konference të gjatë për mediat ka folur për shumë tema në lidhje me ekonominë e vendit. Po ashtu Rama iu ka përgjigjur edhe interesit të gazetarëve në lidhje me pyetjet e tyre.
Rama deklaroi se qeveria është duke bërë një plan gati për të lehtësuar barrën tek bizneset, si dhe mundësinë e vendosjes së taksës progresive.
Ishte gazetarja, Marsela Karapanço, që iu drejtuar Ramës me pyetjen për rritjen e pagave të mjekëve, infemierëve dhe mësuesve, ku gazetarja iu drejtua kreut të qeverisë që “rritja e pagave me 40%, a po kopjoni pak nga programi i PD?”.
Rama i kthen përgjigje gazetares me komentin që nuk pritej, ku iu drejtu “Oo vdeksha unë për ty”. Gjithashtu kryeministri i dha edhe një këshillë që fjala kopje nuk duhet të përdoret fare në fjalorin e gazetares.
“Vdeksha unë për ty o zot i madh! Unë fjalën kopje them ta përjashtoni nga fjalori i komunikimit. Ka ndryshim të madh mes kujt e thotë e kujt e bën. Ne këta i kemi parë, nuk janë të paparë. Këta janë provuar disa herë. Janë shalqi me provë. Ne jemi në një rrugë ku faktikisht po ndajmë me njerëzit frute të punës dhe përpjekje të përbashkëta. Rrugët me daulle janë njësoj si tramvai.”, – u shpreh kryeministri.
“Rritjen e pagës së mjekëve do e bëjmë ne, deti kos nuk bëhet, të rrisësh pagat deri në 40 % për mjekët dhe infermierët, të rrisësh në mënyrë të konsiderueshme pagat e mësuesve, dhe të rritësh pagën miminale, e të mbash stabël financat e vendit, kjo është qeverisje.
Por të hapësh thesin kur vinë zgjedhje, e të premtosh lugë floriri, kjo është për të qeshur. Fati i mirë është se ne këta i kemi parë, bile bile, sidomos kësaj Luli, Saliu, Iliri Monika, janë shalqí që janë provuar disa herë, dhe janë të papjekur”, – tha Rama.
Diskutime rreth kësaj post