Kryeministri Edi Rama tregoi sot gjatë konferencës për shtyp në Rinas, se në takimet e tij në Berlin kishte folur edhe për mediat shqiptare, të cilat si gjithnjë i kishte etiketuar si ‘kazan’, njësoj sic bën edhe brenda vendit. Rama e dha këtë përgjigje pasi u pyet nga gazetarët në Rinas nëse në Bundestag ishte trajtuar cështja e Saimir Tahirit, sikundër u raportua nga radio Dojce Vele.
“Kam bërë shumë kontakte me mediat në Berlin. Kam dhënë shumë intervista. Unë kam sqaruar se e gjithë historia e treguar në Tiranë, e përkthyer në gjermanisht, e çuar në Berlin dhe e ritreguar gjermanisht është një histori e kazanit të thashethemeve të Tiranës. Këtë kam thënë unë atje. Dhe sigurisht kam shpjeguar se si funksionon kazani në Tiranë. Këto po, i kam thënë të gjitha. Vetëm fjalën kazan e kam thënë në turqisht dhe anglisht se gjermanisht nuk e dija” tha Rama.
Por ndërkohë një prej gazetarëve ndërhyri sërish, duke e pyetur se si i thonë kazanit në gjermanisht.
Gazetari: Në fakt sa doja t’ju pyetja se si thuhet kazani në gjermanisht
Rama: Ah se di.
Diskutime rreth kësaj post