Ftesa Ramës për Bashën, Bamir Topi zbërthen detajet për çfarë bëhet fjalë: Është kuptuar sikur do bashkëpunohet në qeverisje

Ish-presidenti Bamir Topi, i ftuar në emisionin “Kjo javë” është pyetur për ftesën që Rama i ka bërë Bashës për bashkëpunim.Topi theksoi se ftesa është keqkuptuar, pasi kjo ftesë nuk është për bashkëqeverisje, por kërkohen vota në parlament nga opozita për miratimin e disa ligjeve, që kërkojnë shumicë të cilësuar.

Deklarata e Topit:

“Ftesa për bashkëpunim është taktike e Ramës ndaj Bashës e nuk ka sinqeritet brenda. Është kuptuar sikur do bashkëpunohet me bashkëqeverisje, por jo nuk është kështu. Do të bashkëpunohet për disa ligje, që kërkojnë shumicë të cilësuar.

Nëse situata është përmirësuar, ajo i dedikohet perëndimorëve, sidomos amerikanëve. Tashmë më 2021 jemi në një vit, ku politika kërkon më tepër konsensus dhe jo sherrnajë”, deklaroi Topi.