Frrok Çupi tregon arsyen e vërtetë pse Basha dhe Kryemadhi dolën nga Parlamenti

Analisti Frrok Çupi ka treguar arsyen e vërtetë pse opozita dogji mandatet. Ai tha se PD-LSI doli nga Parlamenti se nuk përballonte dot Edi Ramën.

“Opozita doli nga parlamenti se nuk përballonte dot Edi Ramën. Opozita doli nga parlamenti se nuk përballonte sharjet e kryeministrit. Opozita nuk është pozita inferiore sepse ka kohë të kurohet dhe të kulturohet.

Mazhoranca mban mbi vete barrën e 8 vite dhe përgjegjësitë administrative. Kreu i opozitës ka gjuhën e tillë që thotë obobo që nuk e përballon dot Ramën në debat. Unë nuk shoh negativizëm në fushatën e Ramës, ai thotë se Luli fle gjumë.

Opozita ka fjetur gjatë gjithë kohe. Rama bën 10 takime dhe 10 sulme në ditë, ndërsa Basha mezor e mbyll një takim në ditë”, – u shpreh Çupi i ftuar në një studio televizive.