Në një intervistë në emisionin “Big Brother Radio”, Françeska Murati, ish-banorja e edicionit të tretë të “Big Brother VIP Albania”, u ftua për të analizuar lojën e banorëve dhe për të shprehur mendimin e saj për momentet më të rëndësishme të fundit në shtëpinë e BBV.
Françeska, e cila u eliminua në gjysmëfinalen e këtij edicioni, ndau detaje rreth përvojës së saj në shtëpi dhe u ndal në disa thashetheme që kanë qarkulluar në rrjet, duke përfshirë edhe spekulime rreth marrëdhënies së saj me bashkëshortin. Një nga pikat më të diskutuara ishte stili i saj i veshjeve të shtrenjta, për të cilin ajo shpjegoi se nuk i kishte të gjitha nga garderoba e saj. Ajo tha se ka marrë disa nga shoqet e saj, që kanë biznese në Shqipëri, duke e mbështetur kështu njëri-tjetrin.
“Nuk mund t’i kënaqësh gjithmonë të gjithë”, tha Françeska, duke treguar se ka marrë fustane nga miqtë për të pasur një shfaqje të përshtatshme. “Pse mos t’i mbështesim njëra-tjetrën? Femrat në Shqipëri janë të forta”, shtoi ajo.
Diskutime rreth kësaj post