“Dua të hetohem në gjendje të lirë dhe të vërtetojë që nuk jam mashtruese”. Keshtu ka thënë në sallën e gjyqit sot Olesia Duka, para se gjykata e Durrësit te njoftonte vendimin per “arrest me burg” per dentisten e arrestuar me akuzën e mashtrimit të nje biznesmeni, ne shumen 900 mije euro.
Në seancën e sotme në sallën e gjyqit ka qenë e pranishme vetë e akuzuara, e cila ka deklaruar para trupit gjykues se kërkon të gjykohet në gjendje të lirë.
Ndërkohë prokurori, Madrit Kullolli, ka theksuar se “Duka ka mashtruar disa persona duke iu marrë shuma të mëdha parash”.
Pas akuzës ka folur pala mbrojtëse, e cila ka kërkuar për Dukën arrest shtëpie. “Kërkojmë te hetohet në gjendje të lirë deri në fund të hetimeve. Ajo nuk largohet dhe nuk prish hetimin”- tha mbrojtja.
Por pavarësisht kësaj, gjykata vendosi masën e sigurisë “arrest ne burg”.
Diskutime rreth kësaj post