Dita e sotme shënoi një shtim të frikshëm të numrit të infektimeve nga Covid-19 në Shqipëri. Lidhur me këtë mjeku infeksionist Pëllumb Pipero tha në një lidhje për Neës 24 se nuk duhet të shqetësohemi për këtë.
Sipas Piperos virusi është në kontroll dhe kjo duket tek numri i të shtruarve në spital.
“Janë vetëm 32 të shtruar në Spitalin Infektiv dhe 8 te “Shefqet Ndroqi”. Kemi vetëm 3 të shtruar në 24 orët e fundit, që nuk është shifër shqetësuese”, – u shpreh Pipero.
Sa i përket shtimit të rasteve në Krujë, Pipero tha: Na rezulton se në Krujë nuk është respektuar distancimi social.
Qytetarët janë takuar si zakonisht prandaj është përhapur. Edhe kur dolën rastet e para, qytetarët nuk respektuan distancimin social. Fasoneritë i kanë marrë masat, por kam dyshim se gjatë transportit të punonjësve, ka ndodhur edhe përhapja e koronavirusit.
Lidhur me pyetjen që kurba ulet dhe ngrihet, sa i përket rasteve të reja, Pipero tha se duhet parë numri i të shtruarve në spital që është i ulët dhe se rastet e reja mund edhe të shtohen më shumë gjatë ditëve në vijim.
“Rastet pozitive të reja do të shtohen, madje shumë s’do kenë as simptoma”, – theksoi Pëllumb Pipero.
Mjeku dha një lajm të mirë se rritja e temperaturave mund të sjellë shuarjen e epidemisë në vendin tonë.
Diskutime rreth kësaj post