Prej disa ditësh, një lajm po qarkullon në media ku thuhet se ministri i deleguar i Jashtë, Gent Cakaj, bashkëjeton me vajzën e Linda Ramës, Rea Xhillarin.
Por Cakaj e ka mohuar një gjë të tillë në një emision televiziv. Nga ana tjetër shkrimtarja e njohur, Flutura Açka ka preferuar që të kapet me një detaj tjetër të ministrit Cakaj dhe jo me jetën e tij private.
Me anë të një statusi në Facebook, Açka shkruan se nuk është problemi kryesor nëse Cakaj fle apo nuk fle Gent Cakaj me thjeshtrën e kryeministrit.
Ajo që e shqetësuar personalisht, ishin fjalët e ministrit të Jashtëm që përdori gjatë intervistës në emision siç ishin: “armik i KM”, “armiqtë e KM”, fjalë që sipas saj Cakaj e përdori me aq shkujdesje në intervistën e djeshme, kur foli në lidhje me zërat që thonë se ai bashkëjeton me Rea Xhillarin.
Açka vijon duke thënë se dikush duhet t’ia shpjegojë Cakjat se në politikë ka kundërshtar politik dhe jo armiq politik.
Postimi i plotë:
“Sa keq, e gjithë media, të gjitha faqet online, e bënë lajm dyshimin nëse Ministri i Deleguar i Jashtëm i Shqipërisë, zoti Cakaj, fle apo nuk fle me thjeshtrën e KM. A thua se kjo është brenga më e madhe shqiptare. Ajo që më shqetësoi personalisht, ishte fjala “armik i KM”, “armiqtë e KM”, fjalë që ky djalë i ri përdori me aq shkujdesje. Dikush duhet t’ia shpjegojë atij se në demokraci ka “kundërshtarë politikë”, pra njerëz me ide dhe qasje politike ndryshe nga të tuat, në diktaturë të këtillët quhen “armiq”. Madje sa më e ngjyrtë të jetë kjo shumëri hijesh politike, aq më e sigurtë është demokracia. Ky lloj fjalori politik, i takon shkollës së vjetër politike, që për 30 vjet i ndau shqiptaret në palë betejash. Sigurisht, para një kundërshtari politik që shpesh sillet si armik, kjo qasje politike duket normale. Por politikanët e rinj e kanë për detyrë t’i largohen kësaj prirjeje, ata janë shpresa jonë për peizazh politik europian që po presim, dhe ata duhet ta kuptojnë këtë rol.”, shkruan Açka në postimin e saj./albeu
Diskutime rreth kësaj post