Deputeti Flamur Noka, ka komentuar zhvillimet e fundit në Partinë Demokratike. Ai është shprehur se Basha është peng i Edi Ramës.
Noka u shpreh se nëse kreu i PD nuk do ishte peng nuk do të merrte një vendim të tillë për ish-Kryeministrin Sali Berisha.
“Që Basha kishte flirt apo marrëveshje ka pasur thashetheme dhe akuza prej kohësh, që në 2017,sigurisht ne që kemi qenë brenda PD kemi hezituar t’i pranojmë këto gjëra. Mirëpo fillim shtatori i këtij viti hapi kutinë e pandorës. Vendimi i Bashës detyroi që të hapen çështjen. Të marrësh një vendim për të asgjësuar forcën tënde politike dhe për ta kthyer në një shoqatë Basha-Bardhi, do të thotë që ti ose je peng, ose ti nuk je normal. Kjo e dyta nuk është e vërtetë sepse Basha është një politikan mëse normal. Pse atëherë duhet të marrësh një vendim me të cilin ti asgjëson forcën tënde politike. Një politikan po të mos ishte peng, po t’i dhimbseshin ata demokratë që kanë sakrifikuar për ta bërë prej 8 vitesh kryeministrin, në rastin më të mirë kur ndodhesh para një vendimi të tillë duhet të jepte dorëheqjen, jo vendime për të asgjësuar forcën politike”, tha Noka për Ora News.
Noka është shprehur se Berisha ka peshën kryesore të demokratëve, ndërsa ka treguar se çfarë i tha Basha, natën kur bëri me dije se ka përjashtuar liderin historik nga grupi parlamentar i PD.
“Berisha ka peshën kryesore të demokratët. Atë natë që mori vendimin më thanë se 80% e anëtarësisë janë me Berishën. Nuk mund të marrësh një vendim kundër shumicë”, shtoi ai.
Për Nokën, Basha është ministri i 20 i Ramës.
“Nëse qeveria Rama ka 19 ministra, Basha është ministri i 20 që ka një mandat ministri i shuarjes së opozitës”, tha Noka.
Diskutime rreth kësaj post