Deputeti i ardhshëm Agron Gjekmarkaj foli për zgjedhjet në Partinë Demokratike. Ai i cilësoi si korrekte dhe serioze. Gjekmarkaj u shpreh se votuesit ia njohin meritën Bashës për përpjekjet e bëra në PD për të ardhur në pushtet.
“Unë mendoj që ka qenë një garë serioze dhe korrekte. Por unë jam i pakënaqur. Do të doja që përballë Bashës të kishte figura të forta që ta konkurronin Bashën dhe të fitonte më i miri. Gëzoj respekt dhe i përgëzoj të gjithë ata që kandiduan. Unë do të doja që PD të kishte alternativa më të mira që do të konkurronin Bashës, që mori mandatin e tretë në parti.
Mendoj që shifrat ishin të vërteta. Mendoj që këto votues i kanë njohur meritën për rritjen e PD, përpjekjet për të ardhur në pushtet. Bindja e votuesve është që Bashës nuk iu mundësua ardhja në pushtet dhe Rama nuk e fitoi këtë mandat. PD dhe opozitës nuk iu lejua të vinte në pushtet. Mendoj që në shtator opozita duhet të hyjë në parlament”, u shpreh Gjekmarkaj në Dritare Tv.
Diskutime rreth kësaj post