Kryetari i Këshillit Kombëtar të Partisë Demokratike, Edi Paloka propozoi një zgjidhje për mbledhjen e Kuvendit Kombëtar të PD-së. Për gazetarët e pranishëm jashtë sallës së Kuvendit, Paloka u shpreh se dy palët e përfshira nuk kanë besim në firmat e delegatëve që janë mbledhur për Kuvendin që pritet të mblidhet më 11 dhjetor.
Deklarata e Palokës:
‘Statuti dhe rregulloret nuk përcaktojnë se si bëhet verifikimi. Meqë unë gjendem në këtë pozicion, i kam propozuar palëve një zgjidhje. Ky është problemi kryesor, palët nuk kanë besim te njëri tjetri, propozoj një person nga secila palë, nga njëra anë Ivi Kaso, nga ana tjetër e nga ana tjetër mund të ishte Minerodhi që merret me këtë çështje në sekretariat. Unë po bëj një propozim, që palët të eliminojnë hijet e dyshimit. Të dyja palët mund të caktojnë nga një njeri të besuar. Të ecim me këtë proces pa vazhduar me sulme, dyshime që vetëm dëmtojnë PD. Unë thash meqë gjendem në këtë pozicion, mes të dyja palëve propozoj zgjidhje. Nëse palët nuk pranojnë, i bie që nuk duan zgjidhje.
Më duket propozim i arsyeshëm për hijet e dyshimit që janë mes palëve. Le të vijnë të ulen nga një përfaqësues të marrin fletët dhe të verifikojnë. Nëse thonë nuk duam, i bie që nuk duan. Nëse janë mbledhur 4.200 firma të delegatëve dhe thuhet nuk e njoh Kuvendin, këtu nuk ka fjalë për komente. Sapo e deklarova që ky është propozimi që unë po bëj dhe e kam diskutuar me palët. Të dy palët të caktojnë nga një person të besueshëm të tyre. Unë hodha si ide që mund të jetë nga njëra anë sekretari zgjedhor, e nga ana tjetër sekretari organizativ. Të marrin formularët e të verifikojnë që janë apo jo delegatë dhe kanë firmosur apo jo. Kështu do të mbyllej kjo histori. Jemi në kushtet e palëve. Si do e votojë kryesia e partisë diçka që duket në dritë të diellit. Nëse vërtetojnë që 4.200 delegatë kërkojnë mbledhjen e Kuvendit, nuk ka rëndësi as kryetar e asnjë tjetër”, tha Paloka.
Diskutime rreth kësaj post