Feston mandatin e tretë! Rama dorë për dore me bashkëshorten, parakalon në sheshin e mbushur plot: Faleminderit të vetmes opozitë që nuk e mund dot

Partia Socialiste me në krye Edi Ramën, ka arritur të sigurojë mandatin e tretë të qeverisjes.

Në orën 18:00, kryeministri lajmëroi grumbullim e mbështetësve në sheshin “Skënderbej”, në Tiranë, për të falenderuar të gjithë ata që i sollën fitoren, sipas tij.

Së bashku me gruan, Linda Ramën, kryesocialisti doli nga selia e Partisë Socialiste për të shkuar mes turmës drejt sheshit, ku u prit nga qindra mbështetës, që mbajnë flamuri kuq e zi në dorë.

Gjatë fjalës së tij, nuk mugoi falenderimi për Lindën.

“Një falenderim për gjysmën time më të mirë. Të vetmen opozitë që nuk e mund dot. Është guri që na mbledh, drita që na energjizon. Faleminderit grua!”, tha Rama në shesh.

Nga 140 deputetë që do të ulen në parlamentin e ri, Partia Socialiste ka siguruar 74 prej tyre. Megjithatë, pritet që të mbarojë numërimi në qarkun e Durrësit dhe Tiranës, për të dhënë rezultatin përfundimtar.