“Banda” e Kembrixhit kanë nisur një kapitull të ri së bashku, duke ecur dorë për dore me prindërit e tyre ditën e parë të shkollës.
Princi George, nëntë vjeç, Princesha Charlotte, shtatë vjeç dhe Princi Louis, katër vjeç, filluan të gjithë në shkollën Lambrook, në Ascot, Berkshire, pas zhvendosjes së fundit të familjes në Ëindsor.
Për Luisin e vogël, me uniformë verore, ishte dita e parë në shkollë, raporton BBC.
Vëllezërit e motrat e tij më të mëdhenj kanë qenë më parë në Thomas’s Battersea në Londër.
Këtë vit ata do të studiojnë në shkollën private 13,000 paund në vit. Drejtori Jonathan Perry ishte pranë për të përshëndetur të rinjtë mbretërorë, duke shtrënguar secilin prej tyre për dore, ndërsa u tha se ishte bukur që ata të ishin aty.
Të pyetur nëse ishin të emocionuar, të tre u përgjigjën “po” dhe Princi William tha se “të gjithë e prisnin me padurim” dhe kishin “shumë pyetje”.
Vëllezërit dhe motrat nuk treguan shenja të dukshme nervash ndërsa hynë të sigurt në Lambrook nën rrezet e diellit duke mbajtur duart e prindërve të tyre.
Ndërsa familja ecte drejt hyrjes së shkollës para dy kamerave, ata mund të dëgjoheshin duke qeshur dhe Princi William u pa duke i përkëdhelur flokët e princit Louis në mënyrë qetësuese.
Diskutime rreth kësaj post