Anëtari i Komisionit të Ankimimeve dhe Sanksioneve, Ledio Braho tha sot për MCN se ka shumë elementë që duhen hetuar lidhur me zgjedhjet e 25 prillit.
Intervista e Brahos:
Braho, këto parregullsi teknike a e bëjnë të pavlefshëm procesin të paktën në 9 qarqe ku opozita pretendon rivotim?
Braho: Në fakt nuk i jap dot një përgjigje kësaj pyetje tani dhe nuk mund të them nëse janë këto elemente të mjaftueshëm. Janë vënë re raste kur komisionerët kanë votuar nga dy herë. Ka elementë që duhen hetuar. Nëse janë elementë të mjaftueshëm kjo është për tu parë.
Në momentin që komisionerët e opozitës kanë firmosur procesverbalet dhe nuk kanë referuar parregullsi në Komisionin Qendror të Zgjedhje ditën e zgjedhjeve dhe gjatë procesit në numërimit a vlen më pas të diskutohet legjitimiteti i gjithë procesit?
Braho: Patjetër që duhet hetuar. Shkeljet e rënda të ligjit lidhur me pavlefshmërinë shihen në vijim. Nëse kanë kryer vepër penale kjo çështje do të ndiqet më tej. Nëpërmjet materialeve që këqyren do të merren vendimet. Nëse i referohemi votimit dy herë është vepër penale dhe jo gabim njerëzor.
Partia Demokratike pretendon se në qarkun e Beratit, është votuar disa herë nga i njëjti person. Çfarë ndodh nëse kjo vërtetohet, do të kemi rinumërim apo rivotim?
Braho: Kjo është pjesë e raportit të KQZ që kishte të bënte me Beratin dhe Gjirokastrën dhe tregonte për votim të shumëfishtë, por detajet duhet të dalin nga një hetim më i thelluar. Nëse do ketë rivotim parashikohet kur del e pavlefshme sipas kodit zgjedhor. Rinumërimi mund të bëhet me kërkesë të anëtarëve të KAS dhe nëse vihen re ndryshime rezultatesh. LSI i duhen vetëm 77 vota në Berat për ti marrë një mandate PS.
Ditët e fundit dëgjojmë shpesh nga opozita të flasë për masakër elektorale. Si mund të provohet shitblerja apo deformimi në votat që tashmë janë në kutitë e votimit?
Braho: Duke u nisur nga pretendimet që kanë të bëjnë me një sërë kallëzimesh që janë vepra penale që hetohen nga SPAK. Ajo që kërkon PD është faza para zgjedhjeve që përfshihet blerja e votës etj.
Mbledhja e sotme pse u shty?
Braho: Dy anëtarë të KAS kërkuan sqarime të mëtejshme nga nënkomisionerja. Edhe qarku i Vlorës është shtyrë për të marrë më shumë informacion.
Diskutime rreth kësaj post