Juristi i mirënjohur Sokol Hazizaj u shpreh se sulmet ndaj tij dhe LSI, Edi Rama po i kthen borxhin Ilir Metës. Për Hazizajn, në zgjedhjet e ardhshme do ikë Rama dhe do vijë Luli me LSI të marrë pushtetin.
“Unë nuk e kam ndjekur fare dhe nuk e ndjek. Nuk e dëgjoj se, e para, në kuptimin filozofik, nuk ka asnjë lidhje atë çka unë para 20 vjetësh shpresoja se do bëhej në Shqipëri, nëpërmjet së majtës.
Së dyti, ashtu si çfarë flet ai dhe çfarë labëron një fjalën e tij, nuk ka lidhje fare me interesat e qytetarëve, në kuptimin përpikshmërisht ligjor. Po të shikosh të gjitha laburatin ligjor të këtyre 8 viteve nuk ka fare lidhje me interesat qytetare. Duke filluar nga aktet nënligjore që janë koncesionet dhe duke përfunduar pastaj me akte normativë dhe akte të cilat kërkojnë ndryshime ligjore të karakterit thelbësor, 3/5 e Kuvendit, nuk kanë lidhje fare me interesat e qytetarit por kanë lidhje me interesat e klientëve të tij dhe të projekteve të ministrave të tij që nuk kanë lidhje me PS, siç tha dhe zonja Gjosha.
Momenti i tretë është që, bateritë e këtij lloj grupimi njerëzish që janë përtej së majtës dhe të djathtës, që janë vetëm me interesin e xhepave të tyre, kanë filluar të shkrehen tani e mund të flasë çfarë të dojë. E katërta, kam përshtypjen se Ilir Metës po i bën një nder të madh ai. Po i kthen nderi që Iliri e futi në politikë. E mbajti në politikë dhe nëse kujtoni, në vitin 2000 Meta ishte kryeministër dhe u prish Tajvani dhe kioskat, aty mori emër ky burrë. Ai i dha yryshin për kryetar bashkie herën e dytë dhe herën e tretë me motivin e betejës ndaj Nanos dhe në këtë mënyrë, beteja mes Ilirit dhe Ramës është betejë e këtij borxhi. Është kthim borxhi. Ata janë miq shumë të mirë. Edhe me Lulin janë miq të mirë ku ndajnë pjesët në mënyrë perfekte. E kanë ndarë edhe këtë pjesë. Do ikë Edi dhe do vijë Luli me LSI të marrë pushtetin, por ishalla ndryshon shërbimi ndaj qytetarëve”, tha ai për Ora News.
Diskutime rreth kësaj post