“Është i mbaruar!”, Ylli Manjani del me paralajmërimin e fortë ndaj Ramës

Ish-ministri Ylli Manjani ka bërë një reagim të fortë ndaj kryeministrit Edi Rama, ku shkruan se është i mbaruar. ”Megjithëse i ka dalë emri ndërkombëtarisht me germa të kuqe si mbajtës pushteti me vota të vjedhura, gjen fytyrë të vendosë “vija të kuqe” për reformën zgjedhore!”, shprehet ndër rreshta Manjani.

Statusi i Manjanit:

“Megjithëse i ka dalë emri ndërkombëtarisht me germa të kuqe si mbajtës pushteti me vota të vjedhura, gjen fytyrë të vendosë “vija të kuqe” për reformën zgjedhore!

Kulmi i kulmit!

I do komisionet e zgjedhjeve t’ja drejtojë amdimistrada “e pavarur” që emëron vetë…

Po kur bën si shefi i OSBE, pavarësisht se e ka përdhosur imazhin e saj si askush tjetër më parë.

Nejse në pjesën e mbetur të jetës dhe në historinë e këtij shteti, veçanërisht në marrëdhëniet me jashtë, zotëria që sundon këtu do identifikohet nga këto germa të kuqe si MBAJTËS PUSHTETI PA VOTËN E LIRË të popullit të vet. Madje edhe si mbajtës i pushteti pa shumicën e votave edhe pas blerjes…

Le të llomotisë sa të dojë,po kaq është arritja e Tij:

këto germa me ngjyrë të kuqe që gjenden në arkivën e Prokurorisë së Republikës, të BILD e mediave të tjera, si dhe në memorien e çdo të interesuari për Shqipërinë.

Le ta bëjnë ligjin zgjedhor që votat të numërohen tek selia e PS, kolegjit zgjedhor tja bëjë selinë në surrel po të dojë.

Është i mbaruar!

Kot e ka që gurgullon se i ka dalë çdo bojë me të cilin e bojatisi kultin e vet.

Të gjithë e njohin nga germat e kuqe të rrezikut…” – shkruan Manjani.