Pedagogia Iris Luarasi është shprehur se rezultatet e dobëta në sondazhe për Partinë Demokratike vijnë si pasojë e lëvizjeve të gabuara politike që ajo bëri në opozitë.
“Po të mos kishim pasur braktisje të parlamentit, dhënien në tavolinë të të gjitha bashkive të majtës, do ishim tejet të qartë se për mua nuk do të kishim këto rezultate,” – tha Luarasi duke argumentuar se pas tetë vitesh, sipas prirjes së këtyre viteve, opozita do të duhet të ishte me të tjera rezultate në sondazhe.
“Ajo që ne lexojmë në këto rezultate është se shqiptarët e kanë gjetur se kush e ka fajin, e ka fajin opozita që ia dha të gjitha pushtetet Edi Ramës, […] nuk e kuptoj fare këtë pjesën që ‘unë që i mora pushtetet e kam fajin se m’i dhurove ti’,” – u shpreh Luarasi.
Pedagogia kujtoi se në zgjedhjet e vitit 2017 opozita u votua nga qytetarët për të mbrojtur zërin dhe të drejtat e tyre, mirëpo gjatë këtyre viteve, sipas saj, ka zhvilluar vetëm aksione jo-fituese duke i humbur të gjitha betejat.
“Është e tmerrshme që pas tetë vitesh opozitë nuk krijohet dot frymë opozitare,” – tha Luarasi.
Diskutime rreth kësaj post