Ndërkohë që na ndajnë vetëm pak muaj nga zgjedhjet e ardhshme parlamentare, deputeti i PS, Ervin Bushati ka zbuluar se fokusi i fushatës së PS-së është qarku i Tiranës. Ai thotë se kush merr Tiranën, merr Shqipërinë madje duke theksuar se PS luan në fushën e saj.
“Në Tiranë duke qenë dhe njësia më e madhe vendore, në këtë qark do vendoset për 36 deputetë. Beteja do jetë e fokusuar këtu. Kush merr Tiranën merr Shqipërinë. Ne luajmë në fushën tonë pasi kemi pushtetin vendor dhe lokal. Nuk ka parti perfekte. Ne jemi partia më e madhe në vend.
Ne kemi prani në çdo qendër votimi. Ne kemi sfidë në të gjithë këtë qark. Ne kemi sfidë të ruajmë rezultatin në Vorë e Kavajë. Në Kavajë është bërë një punë shumë e mirë, po riorganizohet struktura e PS. Edhe në Kamëz po bëhet një punë e mirë. Kryeministri Rama na ka vendosur një standart që të mos biem më poshtë se 74 mandate dhe ne po punojmë që ta realizojmë atë” – tha Bushati për Report Tv.
Diskutime rreth kësaj post