Erdogan mban fjalimin e parë pas fitores: Mirupafshim zoti Kemal, faleminderit të gjithëve

Ditën e sotme në Turqi, u mbajt raundi i dytë i zgjedhjeve presidenciale, ku Rexhep Tajip Erdogan, arriti të fitonte me rreth 51.4 % të votave.

Sipas mediave të huaja, pas fitores, Erdogan ka mbajtur fjalën e tij, ku falenderon qytetarët që dolën në votime dhe shprehën vullnetin e tyre.

Gjatë fjalës së tij, Erdogan falënderoi në veçanti popullin e Stambollit dhe shtoi se sot Turqia po përjeton një festë të demokracisë.

“Ne jemi të dashuruar me Stambollin”, tha Erdogan fillimisht. “Sot këtu është ndryshe. I gjithë Stambolli është ndryshe. Ju përshëndes dhe ju përgëzoj nga zemra. Ne përjetuam një festë të demokracisë. Ju dolët në zgjedhje dhe duke pasur parasysh të ardhmen e fëmijëve tuaj shprehët vullnetin tuaj. Ju faleminderit të gjithëve”, tha më tej Erdogan.