Endrit Shabani nga “Nisma Thurje”, jep alarmin se kryeministrit Ramës i duhet kufizuar pushteti, pasi me mekanizmat aktual të sistemit politik “mund të bëhet edhe më autoritar se kaq”.
Ai analizoi sistemin politik në Shqipëri duke theksuar se ai nuk ka mekanizma kontrolli. Shabani bëri një paralelizëm me ish-diktatorin Hoxha.
“Pse Enver Hoxha sillej ashtu siç sillej? Sepse mundej, sepse e kishte eliminuar opozitën,” – tha Shabani për Euro News Albania.
Rama është i njëjti njeri që ka qenë në 1998-ën, s’ka qenë kaq arrogant, sepse nuk kishte mundësi,
“Problemi dhe vëmendja duhet të jetë se përse ky njeri sillet kështu, pse ne nuk kemi mundësi ta kufizojmë [pushtetin],” – tha Shabani.
“Rama do të bëhet më keq se kaq, çështja është të mos shpresojmë që ai të vërë dorën në zemër e të kujdeset për ne, çështja është si t’ia kufizojmë pushtetin me ligj, me struktura politike, që ai dhe kushdo që të vijë të mos kenë mundësi… sepse me këtë sistem kushdo që do jetë në vend të Ramës do sillet po njësoj,” – këmbënguli në fund Shabani.
Diskutime rreth kësaj post