Edi Ramës i del në mbrojtje ish-gruaja e tij, i sulmon ashpër artistët

Aktivistja Delina Fico i ka dalë në mbrojtje kryeministrit Edi Rama në përballjen e tij me qytetarët për të shembur Teatrin Kombëtar.

Fico, e cila është ish-bashkëshortja e kryeministrit, kritikon gjuhën e përdorur në protesta nga aktorët dhe qytetarët, duke e konsideruar vulgare dhe të mbushur me urrejtje.

“Si, more, nuk ka asnjë pikë fisnikërie në këtë qasje kundërshtuese?”,- pyet Delina Fico.

Reagimi i plotë Delina Ficos:

I gjithe debati per Teatrin Kombetar dhe protestat paqesore jane krejt legjitime ne nje demokraci, si menyra per te shprehur kundershtine per nje projekt kulturor.

Por, gjuha vulgare e perdorur nga shumica e atyre qe e kundershtojne ndertimin e nje teatri te ri, sipas projektit te qeverise, me le pa tekst, qe thone ne Kosove. Si, more, mund te flasesh per artin e te perdoresh vetem fjale urrejtjeje dhe vulgare?

Si, more, mund te debatosh per nje ceshtje, e cila nuk ka te beje me shkelje flagrante te te drejtave te njeriut, e te hedhesh helm vulgar per kedo qe eshte rrotull – qeveritare, politikane dhe ish-politikane, aktore, njerez te tjere te artit, gazetare – qe nuk mendojne si ty dhe e perkrahin ndertimin e teatrit te ri sipas projektit te qeverise?

Si, more, nuk ka asnje pike fisnikerie ne kete qasje kundershtuese? Paaftesia e shume personave publike per te qendruar ne kufijte e edukates dhe etikes se shprehjes eshte trishtim i madh dhe nje nga plaget e renda te debatit publik ne vendin tone te vogel.