Gjatë fjalës së tij në Kuvend, deputeti Edi Paloka u ka bërë thirrje shqiptarëve që të ngrihen për fëmijët e tyre dhe të mos fshihen mbas dobësive të opozitës .
Deklarata e Palokës:
“Ti themi që është arrogant, i pafytyrë, dështak? Të gjitha të zezat i ka. Nuk i bëjnë përshtypje më. Ka nga ata që mendonin se Rama do të ndryshojë, se ky është parlamenti ndryshe. Çfarë vlere kanë fjalët këtu? A kemi lënë skandal pa denoncuar 8 vite? Ministër, qeveritarë, hajdut. Asnjë s’kemi lënë. Këta dhe në këtë moment janë duke vjedhur. Edhe në këtë moment që jemi këtu. Erdhi 25 prilli, bleu votat dhe na del përsëri aty. Çfarë të bëjmë? Të flasim akoma. Kam një mesazh për shqiptarët që nuk e shesin votën për një qese me ushqime. Nëse iu dhimbet familja juaj, e ardhmja e fëmijëve tuaj, ngrihuni luftoni për to. Përndryshe le të ulim kokën të gjithë dhe t’i nënshtrohemi një bande horrash, hajdutësh e kriminelësh. Boll më me justifikime. Mos u fshihni pas dobësive të opozitës. Mos luftoni për ne, por për vete. Mos u ngrini për karriget tona, por për vete. Të paktën ngrihuni për fëmijët tuaj. Po nuk e shporrët këtë bande do të shkojë vendi keq e më keq”, tha Paloka.
Diskutime rreth kësaj post