Këngëtari Seldi Qalliu disa ditë më parë bëri publike lidhjen e tij të re me modelen 22-vjeçare, Sindi Çela. Këngëtari vendosi ta prezantonte partneren përmes një urimi për ditëlindjen e saj. Pasi e bënë lidhjen publike, çifti zbuluan detaje të tjera nga marrëdhënia e tyre, nga njohja deri tek dedikimi i fundit muzikor i Seldit për Sindin.
Të ftuar së fundmi në emisionin “Why Not” dyshja thanë se gjithçka mes tyre ka ardhur në mënyrë spontane dhe se muajt e karantinës i kaluan bashkë. Gjatë intervistës ata janë vënë në siklet, duke ju rikujtuar lidhjen e fundit të Seldit me këngëtaren Mimoza Shkodra.
Seldi dhe Mimoza u ndanë pak pasi bënë publike fejesën e tyre dhe asokohe kjo ngjarje bëri shumë bujë. E dashura e re e këngëtarit u pyet se çfarë mendon ajo për Mimozën dhe përgjigja e Sindit i befasoi të gjithë.
Ajo u shpreh se Shkodra është një këngëtare shumë e mirë dhe nuk mundi ta fshihte lumturinë për faktin që u nda nga Seldi.
“Mimoza Shkodra mendoj se është këngëtare shumë e mirë, shumë. Edhe më bëhet qefi që është ndarë se tani Seldi është me mua”, – u shpreh Sindi.
Mimoza dhe Seldi i dhanë fund marrëdhënies së tyre 2 vite më parë, për shkak se të dy jetonin larg njëri-tjetrit, njëri në Tiranë e tjetri në Zvicër.
VIDEO:
Diskutime rreth kësaj post