“E përjetova shumë keq”, rrëfehet Lulzim Basha, zbulon arsyen se pse ka hyrë në politikë

Kreu i Partisë Demokratike Lulzim Basha i pyetur nga të rinjtë në turin e tij në Shkodër se cila ishte arsyeja pse hyri në politikë tha se ishte viti 2005 kur po e përjetonte shumë keq gjendjen e vendit.

“Padrejtësia ka qenë arsyeja, para vitit 2005 shikoja dhe përjetoja shumë keq gjendjen e vendit. Një pjesë isha akoma student, një pjesë vazhdoja punoja për organizatën e OKB në Kosovë.

E dija që do vinte koha që nuk do duroja dot veten time nëse nuk do të bëja diçka për padrejtësitë ndaj vendit. Nëse ka një gjë të rëndësishme sot është t’i jepet fund padrejtësisë.

Ne nuk kërkojmë asnjë favor për askënd dhe askush në këtë sallë nuk besoj se ka ardhur të kërkojë lëmoshë nga qeveria e nesërme, por për të patur shanse, mundësi, në një shoqëri të drejtë,” tha ndër të tjera Basha.