Reforma zgjedhore duket se ka profilizuar një sërë rrymash brenda për brenda opozitës parlamentare. Formalisht duket se ajo që i bashkon është fakti për të mos votuar marrëveshjen PS- PD- LSI, për reformën zgjedhore, por nga ana tjetër, praktikisht, lista e kërkesave nga opozita parlamentare vetëm sa zgjatet.
11 deputetë, kryetarë partish të vogla, kanë dalë sot me 8 propozime të reja mbi Kodin e ri Zgjedhor dhe ndryshimet në Kushtetutë. Deputetëve që kanë dalë me propozimet e reja janë: Zef Shtjefni, Adriatik Alimadhi, Vasil Sterjovski, Selami Jenisheri, Kostaq Papa dhe Kujtim Gjuzi, që janë edhe kryetarë partish të vogla.
Ata deklarojnë se nuk do ta votojnë paktin për reformën zgjedhore, ndërsa janë edhe kundër nismës së grupit tjetër të deputetëve të opozitës parlamentare të udhëhequr nga Myslim Murrizi, që kërkon, përpos hapjes së listave edhe ndalimin e koalicioneve, si dhe pragun 5%.
“Kemi dhe propozimet tona. Është e dobishme të sqarojmë. Të gjithë ata deputetët e tjerë që kanë firmosur, ka përplasje mes deputetëve de kryetarët të grupeve. Kemi kontrubit real. Nuk mundet që asnjë deputet të thotë hajdeni kryetarëve të grupeve një sistem me 12 rajone.
Ne duam sistem të pastër kombëtar. Unë si subjekt politik të marr në zgjedhje atë që meritoj.
Kuptoni një gjë që, këta kanë ngritur sisteme dhe struktura pa fund. Këto janë mbingarkesa për buxhetin e shtetit. Kemi kërkuar që asnjë nga subjektet që garon të mos financohet nga shteti. Dhe depolitizim i administratës zgjedhore. 7 subjekte sot dakordësuam këto qëndrime”, – tha Alimadhi.
Diskutime rreth kësaj post