Analisti Frrok Çupi ka bërë një tjetër deklaratë të fortë duke tërhequr vëmendjen e të gjithëve. Përmes një deklarate të gjatë ai bëri me dije se shumica e politikanëve shqiptarë po i tremben çdo ditë e më shumë arrestimeve dhe aksioneve të SPAK.
Dy prej figurave politike që vazhdojnë të jenë në qendër të vëmendjes së amerikanëve janë ende Sali Berisha dhe Ilir Meta, sipas tij ata e kanë punën pisk.
Deklarata e Çupit:
“Shtetet e Bashkuara janë përplasur me “kafshët” brenda shtëpisë sonë. Po të mos e kishte goditur Amerika ish-kryeministrin Berisha, sa për ne shtëpiakët e këtushëm, ish-kryeministri do të kishte zhdukur gjithë “fermën”. Sa për ne të shtëpisë, do të na kishte vënë në rresht Ilir Meta në buzë të detit e do të na krekosej: “Hë, u hodha drejt!?”. “Drejt u hodhe, flori”, do t’i kishte thërritur gjithë mileti. Kafshët e korruptuara po gjurmojnë çdo qoshe si mund të dalin prej kontrollit të Amerikës.
Rreziku që këta të na kthehen përsëri, është para nesh, aktual. Këta kanë pasurinë e grumbulluar prej 3 dekadash, kanë armëët, kanë luftëtarët, të gjitha të duhurat për të shpëtuar edhe një herë tjetër. Nëse kësaj here shpëton “kafsha” e plagosur në gjueti, atëherë populli do të hidhet në rrugë te kriimi, ndërsa shtëpia do të jetë e atyre dhe “e pastër”; siç ishte deri dje. Sot për sot lufta bëhet mbi kokat tona, mes Shteteve të Bashkuara dhe “kafshëve” të shtëpisë”, shkruan ai.
Diskutime rreth kësaj post