Shënohet viktima e parë nga koronavirusi në Shqipëri. Ajo është e moshuara që rezultoi rasti i parë në qytetin bregdetar të Durrësit, konfirmuar paraditen e djeshme.
Sot ajo ndodhej në gjendje kritike për jetën.
Burime për “Panorama” thanë se pacientja po mbahej e izoluar në Spitalin Rajonal të Durrësit, konkretisht në repartin e Infektivit nën kujdesin e stafit mjekësor. Këta të fundit, për shkak të gjendjes së saj të rënduar, menduan ta nisin në Repartin e Infektivit në Tiranë, por ajo nuk e përballonte dot udhëtimin, ndaj e kanë rifutur sërish në reanimacion.
Në fotot që ka siguruar gazetari i Panorama, shihet momenti kur stafi po e nxjerr nga autoambulanca të moshuarën, e cila ka që ditën e djeshme që nuk ka urinuar, dhe mësohet se veshkat e saj janë jashtë funksionit.
Diskutime rreth kësaj post