“Dua të shpëtoj Bashën”, analisti i njohur zbulon planin e fshehtë të Ramës pas fjalës në Asamblenë Kombëtare të PS-së

Në fjalën e tij në Asamblenë Kombëtare të PS-së, kryeministri Rama nuk la pa sulmuar kundërshtarët e tij, Ilir Metën dhe Lulzim Bashën.

Për analistin Neritan Sejamini, kryeministri po zgjedh të ndjekë një strategji elektorale të bazuar në ndikimin emocional tek votuesi dhe jo me program.

Sejamini theksoi se, Rama duke deklaruar se Lulzim Bashën do ta shpëtojë, ndërsa ilir Metën, Monika Kryemadhin dhe Sali Berishën jo, synon ta paraqesë kryetarin e opozitës si të dobët.

“Me të gjitha këto ai kërkon që ta përshkruajë kryetarin e opozitës z. Basha si një person të pafuqishëm dhe vegël të ish-kryetarit z. Berisha dhe Presidentit Meta.Edhe në zgjedhjet e vitit 2017 ndoqi të njëjtën strategji me tepsinë dhe duke thënë që Luli nuk ka faj. Zgjedh një stil tallës për të ulur personalitetin e kryetarit të opozitës.Ai nuk do ta shpëtojë Bashën, se nuk shpëton kundërshtarin. Por duke thënë këtë efekti psikologjik është se kryetari i opozitës është i dobët.Rama është aq i madh sa drejton PS dhe Shqipërinë por përballet me Berishën dhe Metën dhe Luli që është i vogël do ta shpëtojë.Tek një pjesë e madhe elektorale ngjit batuta, vulgariteti, banaliteti etj. Pra në fushatë vendos ndikimi emocional i votuesit, nuk ndikojnë programet.Në këtë gjë z. Rama është mjeshtër. Të gjithë u habitën se si i fitoi zgjedhjet me tepsinë pa program ndërkohë që kryetari opozitës pati program. Njerëzit nuk i kuptojnë programet ndaj kjo që po bën Rama mund të jetë vulgare dhe banale por është efikase për bazën”, tha Sejamini.