Në hyrje të Kuvendit, deputetët e Partisë Socialiste janë marrë në pyetje nga gazetarët në lidhje me komentin e tyre për arrestimin e kryebashkiakut të Tiranës, Erion Veliaj.
Një pjesë nuk ka preferuar që të bëjë asnjë koment lidhur me arrestimin e Veliajt, ndërsa të tjerë janë shprehur se duhet lënë që drejtësia të thotë fjalën e saj.
Më poshtë, disa nga reagimet e deputetëve socialistë për arrestimin e kreut të Bashkisë Tiranë:
Niko Peleshi: Nuk kam asnjë koment.
Nasip Naço: Të lëmë drejtësinë që të flasë dhe pastaj të bëjmë komente.
Xhemal Qefalia: Drejtësia duhet të bëjë punën e saj dhe ta lëmë drejtësinë që të thotë fjalën e vet deri në fund.
Petro Koçi: Duhet të pyesni Berishën, e quan SPAK-un organizatë kriminale apo jo. Kjo është pyetja.
Eduart Shalsi: Vazhdoni që të bëni të njëjtat pyetje, ndërkohë që e dini përgjigjen e Partisë Socialiste.
Blerina Gjylameti: Akuzat i shikon drejtësia, unë flas për anën njerëzore.
Blendi Klosi: Nuk jam i autorizuar që të bëj asnjë koment.
Sjellim në vëmendje se me vendim të GJKKO-së është caktuar sot masa e “arrestit me burg” ndaj kryebashkiakut të Tiranës Erion Veliaj dhe ajo e “arrestit në shtëpi” për bashkëshorten e tij, Ajola Xoxa./tvklan.al
Diskutime rreth kësaj post